Hebdomada IV Paschæ
Feria Secunda
S. Georgii, Martyris
S. Georgii, Martyris
Ad Vesperas
R. Dómine, ad adiuvándum me festína.
Glória Patri, et Fílio, et Spirítui Sancto.
Sicut erat in princípio, et nunc, et semper, et in sǽcula sæculórum. Amen. Alleluia.
1. Hymnus
O rex ætérne, Dómine,
semper cum Patre Fílius,
iuxta tuam imáginem
Adam plasmásti hóminem.
Quem diábolus decéperat
hostis humáni géneris,
eius et formam córporis
sumpsísti tu de Vírgine,
Ut nos Deo coniúngeres
per carnis contubérnium,
datúrus in baptísmate,
Redémptor, indulgéntiam.
Tu crucem propter hóminem
suscípere dignátus es;
dedísti tuum sánguinem
nostræ salútis prétium.
Tu surrexísti, glóriam
a Patre sumens débitam;
per te et nos resúrgere
devóta mente crédimus.
Esto perénne méntibus
paschále, Iesu, gáudium,
et nos renátos grátiæ
tuis triúmphis ággrega.
Iesu, tibi sit glória,
qui morte victa prænites,
cum Patre et almo Spíritu,
in sempitérna sæcula. Amen.
2. Psalmus 135 (136) - Hymnus paschalis
Ant. 1 Si quis in Christo, nova creatúra, allelúia.
- Confitémini Dómino, quóniam bonus, *
quóniam in ætérnum misericórdia eius.
- Confitémini Deo deórum, *
quóniam in ætérnum misericórdia eius.
- Confitémini Dómino dominórum, *
quóniam in ætérnum misericórdia eius.
- Qui facit mirabília magna solus, *
quóniam in ætérnum misericórdia eius.
- Qui fecit cælos in intelléctu, *
quóniam in ætérnum misericórdia eius.
- Qui expándit terram super aquas, *
quóniam in ætérnum misericórdia eius.
- Qui fecit luminária magna, *
quóniam in ætérnum misericórdia eius;
- solem, ut præésset diéi, *
quóniam in ætérnum misericórdia eius;
- lunam et stellas, ut præéssent nocti, *
quóniam in ætérnum misericórdia eius.
Glória Patri, et Fílio, et Spirítui Sancto.
Sicut erat in princípio, et nunc, et semper, et in sǽcula sæculórum. Amen.
Ant. 1 Si quis in Christo, nova creatúra, allelúia.
Ant. 2 Nos diligámus Deum, quóniam ipse prior diléxit nos, allelúia.
- Qui percússit Ægýptum in primogénitis eórum, *
quóniam in ætérnum misericórdia eius.
- Qui edúxit Israel de médio eórum, *
quóniam in ætérnum misericórdia eius;
- in manu poténti et bráchio exténto, *
quóniam in ætérnum misericórdia eius.
- Qui divísit mare Rubrum in divisiónes, *
quóniam in ætérnum misericórdia eius.
- Et tradúxit Israel per médium eius, *
quóniam in ætérnum misericórdia eius.
Et excússit pharaónem et virtútem eius
- in mari Rubro, *
quóniam in ætérnum misericórdia eius.
- Qui tradúxit pópulum suum per desértum, *
quóniam in ætérnum misericórdia eius.
- Qui percússit reges magnos, *
quóniam in ætérnum misericórdia eius;
- et occídit reges poténtes, *
quóniam in ætérnum misericórdia eius.
- Sehon regem Amorræórum, *
quóniam in ætérnum misericórdia eius;
- et Og regem Basan, *
quóniam in ætérnum misericórdia eius.
- Et dedit terram eórum hereditátem, *
quóniam in ætérnum misericórdia eius;
- hereditátem Israel servo suo, *
quóniam in ætérnum misericórdia eius.
- Qui in humilitáte nostra memor fuit nostri, *
quóniam in ætérnum misericórdia eius;
- et redémit nos ab inimícis nostris, *
quóniam in ætérnum misericórdia eius.
- Qui dat escam omni carni, *
quóniam in ætérnum misericórdia eius.
- Confitémini Deo cæli, *
quóniam in ætérnum misericórdia eius.
Glória Patri, et Fílio, et Spirítui Sancto.
Sicut erat in princípio, et nunc, et semper, et in sǽcula sæculórum. Amen.
Ant. 2 Nos diligámus Deum, quóniam ipse prior diléxit nos, allelúia.
4. Canticum (Eph 1, 3-10) - De Deo salvatore
- Benedíctus Deus
et Pater Dómini nostri Iesu Christi, *
qui benedíxit nos in omni benedictióne spiritáli
in cæléstibus in Christo,
= sicut elégit nos in ipso ante mundi constitutiónem, †
ut essémus sancti et immaculáti *
in conspéctu eius in caritáte,
= qui prædestinávit nos in adoptiónem filiórum †
per Iesum Christum in ipsum, *
secúndum beneplácitum voluntátis suæ,
- in laudem glóriæ grátiæ suæ, *
in qua gratificávit nos in Dilécto,
in quo habémus redemptiónem
- per sánguinem eius, *
remissiónem peccatórum,
= secúndum divítias grátiæ eius, †
qua superabundávit in nobis *
in omni sapiéntia et prudéntia,
notum fáciens nobis
- mystérium voluntátis suæ, *
secúndum beneplácitum eius,
- quod propósuit in eo, *
in dispensatiónem plenitúdinis témporum:
- recapituláre ómnia in Christo, *
quæ in cælis et quæ in terra.
Glória Patri, et Fílio, et Spirítui Sancto.
Sicut erat in princípio, et nunc, et semper, et in sǽcula sæculórum. Amen.
5. Lectio brevis (Hebr 8, 1b-3a)
Talem habémus pontíficem, qui consédit in déxtera throni Maiestátis in cælis, sanctórum miníster et tabernáculi veri, quod fixit Dóminus, non homo. Omnis enim póntifex ad offerénda múnera et hóstias constitúitur.
6. Responsorium breve
R. Gavísi sunt discípuli, * Allelúia, allelúia.
V. Gavísi sunt discípuli, * Allelúia, allelúia.
R. Viso Dómino. *
V. Allelúia, allelúia.
R. Glória Patri, et Fílio, et Spirítui Sancto.
V. Gavísi sunt discípuli, * Allelúia, allelúia.
7. Canticum Evangelicum
Ant. Alias oves hábeo, quæ non sunt ex hoc ovíli; et illas opórtet me addúcere, et vocem meam áudient, et fiet unum ovíle et unus pastor, allelúia.
- Magníficat *
ánima mea Dóminum,
- et exsultávit spíritus meus *
in Deo salvatóre meo,
- quia respéxit humilitátem ancíllæ suæ.*
Ecce enim ex hoc beátam me dicent
omnes generatiónes,
- quia fecit mihi magna, qui potens est, *
et sanctum nomen eius,
- et misericórdia eius in progénies et progénies *
timéntibus eum.
- Fecit poténtiam in bráchio suo, *
dispérsit supérbos mente cordis sui;
- depósuit poténtes de sede *
et exaltávit húmiles;
- esuriéntes implévit bonis *
et dívites dimísit inánes.
- Suscépit Israel púerum suum, *
recordátus misericórdiæ,
- sicut locútus est ad patres nostros, *
Abraham et sémini eius in sæcula.
- Glória Patri, et Fílio, *
et Spirítui Sancto.
- Sicut erat in princípio, et nunc, et semper, *
et in sǽcula sæculórum. Amen.
Ant. Alias oves hábeo, quæ non sunt ex hoc ovíli; et illas opórtet me addúcere, et vocem meam áudient, et fiet unum ovíle et unus pastor, allelúia.
8. Preces
R. Christum Dóminum, qui per resurrectiónem suam mundum clarificávit, lætánter deprecémur:
V. Christe, vita nostra, exáudi nos.
Dómine Iesu Christe, qui discípulis te cómitem adiunxísti in via,
— adésto Ecclésiæ tuæ peregrinánti. - V.
Ne patiáris fidéles tuos tardos esse ad credéndum,
— sed fac ut te mortis victórem confiteántur. - V.
Réspice benígnus eos, qui te in via non agnovérunt,
— et manifésta teípsum, ut te salvatórem suscípiant. - V.
Tu, qui per crucem omnes hómines reconciliásti in córpore tuo,
— pacem et unitátem tríbue géntibus univérsis. - V.
Iudex vivórum et mortuórum,
— defúnctis, qui in te credidérunt, remissiónem peccatórum concéde. - V.
9. Pater noster
O
Confirmemos agora nossos louvores e pedidos com as palavras do Senhor.
Pater noster, qui es in cælis:
sanctificétur nomen tuum;
advéniat regnum tuum;
fiat volúntas tua, sicut in cælo et in terra.
Panem nostrum cotidiánum da nobis hódie;
et dimítte nobis débita nostra,
sicut et nos dimíttimus debitóribus nostris;
et ne nos indúcas in tentatiónem;
sed líbera nos a malo.
10. Oratio
R. Magnificántes, Dómine, poténtiam tuam, súpplices exorámus, ut, sicut sanctus Geórgius domínicæ fuit passiónis imitátor, ita sit fragilitátis nostræ promptus adiútor. Per Christum Dóminum nostrum.
V. Amen.
11. Preparatione ante benedictione
Tantum ergo Sacraméntum
Venerémur cérnui:
Et antíquum documéntum
Novo cedat rítui:
Præstet fides suppleméntum
Sénsuum deféctui.
Genitóri, Genitóque
Laus et jubilátio,
Salus, honor, virtus quoque
Sit et benedíctio:
Procedénti ab utróque
Compar sit laudátio. Amen.
12. Oratio
V. Panem de cœlo praestitísti eis. Allelúja.
R. Omne delectaméntum in se habéntem. Allelúja.
V. Orémus. Deus, qui nobis sub Sacraménto mirábili, passiónis tuæ memóriam reliquísti: tríbue, quæsumus, ita nos Córporis et Sánguinis tui sacra mystéria venerári, ut redemptiónis tuæ fructum in nobis iúgiter sentiámus. Qui vivis et regnas in sæcula sæculorum.
R. Amen.
13. Benedictione Sanctíssimi Sacraménti
14. Piae Laudes
Benedictus Deus.
Bendito seja Deus.
Benedictum Nomen Sanctum eius.
Bendito seja o seu Santo Nome.
Benedictus Iesus Christus, verus Deus et verus homo.
Bendito seja Jesus Cristo, verdadeiro Deus e verdadeiro homem.
Benedictum Nomen Iesu.
Bendito seja o nome de Jesus.
Benedictum Cor eius sacratissimum.
Bendito seja o seu Sacratíssimo Coração.
Benedictus Sanguis eius pretiosissimus.
Bendito seja o seu preciosíssimo sangue.
Benedictus Iesus in sanctissimo altaris Sacramento.
Bendito seja Jesus Cristo no Santíssimo Sacramento do altar.
Benedictus Sanctus Spiritus, Paraclitus.
Bendito seja o Espírito Santo Paráclito.
Benedicta excelsa Mater Dei, Maria sanctissima.
Bendita seja a grande Mãe de Deus Maria Santíssima.
Benedicta sancta eius et immaculata Conceptio.
Bendita seja a sua Santa Imaculada Conceição.
Benedicta eius gloriosa Assumptio.
Bendita seja a sua gloriosa Assunção.
Benedictum nomen Mariae, Virginis et Matris.
Bendita seja o nome de Maria Virgem e Mãe.
Benedictus sanctus Ioseph, eius castissimus Sponsus.
Bendito seja São José, seu castíssimo esposo.
Benedictus Deus in Angelis suis, et in Sanctis suis.
Bendito seja São José, seu castíssimo esposo.